بەئامانجی گفتوگۆكردنی رەوشی ئازادی رادەربڕین، گروپی پاڵپشتی میدیا و ئازادی رادەربڕینی رێكخراوی ئاشتی و ئازادی لەچوارچێوەی كارەكانی كۆڕبەندی كۆمەڵایەتی كوردستان، لەشاری سلێمانی كۆبوەوە
لە كۆبوونەوەكەدا وێڕای تاوتوێكردنی رەوشی ئازادی و ئازادیی رۆژنامەنوسی لەهەرێمی كوردستان، گفتوگۆكرا لەبارەی پلانی كاری داهاتوو و ئەنجامدانی چالاكی هەمەلایەنە بەئامانجی پاڵپشتیكردنی زیاتری رەوشی ئازادی رادەربڕین و ئازادی رۆژنامەگەریی لەهەرێمی كوردستان .
كۆبوونەوەكە لەسەنتەری میترۆ لەشاری سلێمانی بەڕێوەچوو.
هاوكات گروپی پاڵپشتی میدیا و ئازادی رادەربڕین لەبارەی شوێن و ناوەڕۆكی كۆڕبەندی كۆمەڵایەتی كوردستان گفتوگۆیكرد كە بڕیارە پایزی ئەمساڵ لەپارێزگای هەڵەبجە بەڕێوەبچێت.
بەشێكی كۆبوونەوەكە تەرخانكرا بۆ پێشوازیی و میوانداریكردن لەئەمجەد حسێن پەناهی برای شەهید رامین حسێن پەناهی و ئازاد سیجانی هاوڕێی، لەو دیدارەدا رەوشی ئازادییە گشتییەكان و رەوشی مافی مرۆڤ لەڕۆژهەڵات و باشوری كوردستان گفتوگۆی لەبارەوەكرا.
