لەرۆژی جیهانی ژناندا، گروپی ژنانی كۆڕبەندی كۆمەڵایەتی كوردستان/ رێكخراوی مەسەللـە بەهاوكاری یەكێتی ئەوروپا و رێكخراوی UPP ، چالاكییەكی میوزیك و هۆنراوە و گۆرانی و بەخشینی گوڵی نێرگزیان لەشەقامی ئیسكانی شاری هەولێر ئەنجامدا كە شەقامەكە زیاتر پایوان بۆی دەچن.
چالاكییەكە بەبەشداری ژمارەیەك ژن و چالاكوان و گروپی میوزیكی سەرشەقام بەڕێوەچوو، لای خۆشیانەوە هاونیشتیمانیان چالاكییەكەیان بەسەرنج راكێش وەسفكرد و پێشوازیان لەچالاكییەكرد.