لە چوارچێوەی پرۆژەی ( كۆمیتەكانی ئازادی خۆجێییە تی لە پارێزگای نەینەوا)، ڕێكخراوی (پاكس)ی هۆڵەندی بە هاوبەشی ڵەگەڵ هەردوو ڕێكخراوی ناوخۆیی (ئاشتی و ئازادی ، مەسەلە)، بۆ بەیەكگەشتن بە كەمپینی داكۆكیكارانی لە مافەكانی مرۆڤ لە مەڕ بەشداری كردن و پشتگیری كردن سەبارەت بە دۆزی (ئافرەتانی بڕیاردەر).

سازدانی دانیشتنێكی گفتووگۆیانە ڵەگەڵ چالاكوانان،داكۆكیكارانی مافی مرۆڤ، شارەزایانی بواری میدیایی، تیمی خۆبەخشان وە هەروەها كەساییەتیە دیار و دەست ڕۆشتووەكانی ناو كۆمەڵگای شاری موصڵ. بۆ گفتووگۆ كردن دەربارەی ئەو كۆسپ و تەگەرانەی ڕووبەڕووی ئافرەتە كاربەدەستەكان و بڕیار بەدەستەكانی ناو دامەزراوە حكوومی و ناو كۆمەڵگا دەبێتەوە.

 

دەركەوت كە چەند هۆكارێك لە پشت ئەم كێشەیەوەیە، یەكێك لەوانە هۆكاری سیاسیە كە ئەویش دابەشكردنی دەسەڵاتەكان لە نێوان هێز و لایەنە حیزبیە گەورەكاندا دەگرێتەوە. وە بابەتی تەرخان كردنی كورسی كۆتا لە پەرلەمانی عێراق بۆ ئافرەتان. یەكێكی تر لە هۆكارەكان بابەتی دابوونەریتە خێڵەكییەكانە، كە ئەمەش دەبێتە هۆكاری باوەڕ نەبوون بە تواناكانی ئافرەتان لەلایەن كۆمەڵگاوە سەبارەت بە بەرانگاربوونەوەی گەندەڵی.

 

بەڵام لە هەمان كاتدا ئافرەتانێكمان هەیە كە دەتوانن ئەركە حكومی و كۆمەڵایەتیەكانیان جێبەجێ بكەن، بەڵام پەروەردە كردن و ڕۆشنبیركردنی كۆمەڵگە گرینگە، پەسەند كردنی یەكتری و بوار نەدان بە بابەتی كۆتا لەبەردەم لایەنە حیزبییەكان، ئەم باسەیان گرینگترین باس بوو كە لەلایەن بەشداربووانەوە پێشنیار كرا. بە یەكسان جێبەجێ كردنی یاسا لە لایەن لایەنی پەیوەندیدار و بەرپرس هەروەكو لایەنی یاسادانان. ئافرەتان ڕێژەی ٪٢٥ پێكدەهێنن لە كۆی گشتی كورسیەكانی پەرلەمانی عێراق بە كورسی لیژنەكانی ناوخۆی پەرلەمانیشەوە.

 

لە ئێستاوە ئەم كەمپەینە پێكهێنراوە بۆ بوونیادنانی هاوبەشییەك و هاوپەیمانیەك لە نێوان لایەنە پەیوەندیدارەكان لە نێوانیاندا ڕێكخراوەوەكانی ناوخۆی و نێودەوڵەتییەكانی كۆمەڵگەی مەدەنی، ڕێكخراوی نەتەوە یەكگرتووەكان بۆ ئافرەتان، نووسینگەی پڕۆگرامی یۆنامی، دامەزراوە نیشتیمانیەكان، یەكێتییەكان، حكومەتە خۆجێییەكان...هتد.