هەردوو ئەنجومەنێن گەنجێن سەرکردە لشێخان و سێمێل بئامادەبونا ژمارەک ژ چالاکڤانێن کومەڵگەهێ مەدەنی و قوتابی و ماموستایێن زانکویێ و بەشەک ژ کاربدەستێن حکومی لدەڤەڕێ کومبونەکا بەرفرەهـ ڕێکئێخستن.

 

ئارمانجا کومبونێ ئەو بو کو گەنگەشە بهێت کرن لسەر کاروچالاکیێت بوری یێت هەردوو ئەنجومەن و پێشنیار و ڕاسپاردە یێن لیژنا و ئەنداما بهێن دیارکرن ئەوێن پەیوەست بژیان و خزمەتگوزاری و هەلێ کار بو گەنجان.

 

کومبون لناڤەندا ڕوشەنبیریا زانکوا دهوک لڕوژا ٢٧ـێ ١ـێ ٢٠٢١ بڕێڤە چوو، لکومبونێ دا ئەنجومەن هات ناساندن و کار و چالاکیێن رابردوو ژی هات نمایش کرن کو گەنجا لدەڤەرێن خو ئەنجام داین، پاشان ژمارەک پێشنیار بو چارەسەرکرنا کێشێن ناوچێن شێخان و سێمێل هاتن پێشکەش کرن وەک پێشڤەبرنا خزمەتگوزاری و زیدەکرنا هەلێ کار ژبو گەنجان و ڤەکرنا پتر ناڤەندێن ڕوشەنبیری و هونەری، ئو پاشان گەنگەشە ژلایی مێهڤانانڤە هات کرن و پێشنیارژی هاتن گوتن ، هەروەسا بڕواناما ڕیزلێنان هاتە پێشکەشکرن بو وان کەسان کو هاریکارن دگەل ئەنجومەنی و بڕواناما خولا ڕاهێنانێ هاتە دابەشکرن لسەر ئەندامێن هەردوو ئەنجومەنان.

 

ڕێکخراوا ئاشتی و ئازادی سەرپەرشتیا ڤان دوو ئەنجومەنا دکەت کو هەر ئێک ژوان ژ ٣٠ کەس پێک تێت کو ١٥ کوڕن و ١٥ کچن، وکار دکەن لسەر پرسێن گەنجان و هەوڵ ددەن کو دەرفەتێت زێدەتر پەیدا بکەن بو گەنجان داکو شیانێن خو بکاربینن.