ڕێکخراوی ئاشتی و ئازادی بە هاوبەشی لەگەڵ ڕێکخراوی United Planetی ئەمریکی پرۆگرامی ئاڵوگۆڕی کلتوری بۆ ماوەی ٧ هەفتە بە ناوی (Youth2Youth Impact Investing) ئەنجام دەدات. ئەم بەرنامەیە تیمەکانی عێراق و سوریا و ئەمریکا کۆدەکاتەوە بۆ پەرەپێدانی گەشەی ئابووری و ئاشتی و خۆشگوزەرانی.
بە بەشداریکردنی ٦٠ سەرکردەی گەنج لە ڕەگەزی نێر و مێ و زیاتر لە ٢٠ زانکۆ لە ئەمریکا و عێراق و سوریا بەژدارن لە پڕۆژەکە. گەنجانی بەژداربوو هەفتانە لە بەرنامەی زووم بە شێوەی ئۆنلاین کۆدەبنەوە بۆ گفتوگۆکردن لەسەر بابەتی گرنگ وەک، وەبەرهێنانی کاریگەری کۆمەڵایەتی، پەرەپێدانی مۆدێلی بازرگانی، و چۆنیەتی خستنە رووی کارەکانیان. ئەم پرۆگرامە بەردەوامە وە لە هەفتەی پێنجەمدایە، بەشداربووان بە شێوەیەکی چالاکانە بیرۆکەکانیان بەیەکەوە دەبەستنەوە و پێکەوە کار لەسەر پڕۆژەکان دەکەن. ئامانجی پرۆگرامەکە بریتییە لە پەرەپێدانی توانای گەنج سەبارەت بە بابەتی وەبەرهێنانی کاریگەر وئەو لێهاتوویانەی کە پێویستن بۆ سەدەی بیست و یەک. هەروەها یارمەتی دروستکردنی پەیوەندی دەدات لە نێوان گەنجانی وڵاتانی بەژداربووی پرۆژەکە .
پرۆگرامی Youth2Youth Impact Investing لەلایەن United Planet جێبەجێ دەکرێت ئەم پڕۆژەیە پارەدارکراوە لەلایەن J. Christopher Stevens دەستپێشخەری ئاڵوگۆڕی کلتوری (JCSVEI). JCSVEI پرۆگرامێکی نووسینگەی کاروباری پەروەردەیی و کولتووری وەزارەتی دەرەوەی ئەمریکایە کە لەلایەن پەیمانگای Aspen بەڕێوەدەبرێت.