رێکخراوی ئاشتی و ئازادی بە هاوکاری رێکخراوی United Planet، مەراسیمی کۆتایی بۆ بەشداربووانی پرۆگرامی ئاڵوگۆڕی کلتوری کە ماوەی ٧ هەفتەی خایاند، بەشێوەی ئۆنلاین ڕێکخست.
لە مەراسیمەکەدا چەند میوانی جیاواز ئامادەبوون، هەروەها سێ دامەزراوی بازرگانی بەشداریان کرد کە بریتی بوون لەKurdistan) (Touristلە هەرێمی کوردستانی عێراق بۆ وەبەرهێنانی گەشتیاری، (Fully Games) لە ویلایەتە یەکگرتووەکانی ئەمریکاوە،هەروەها (WECO Africa) کە کۆمپانیایەکی وەبەرهێنانی ئەفریقییە.
دواتر نوێنەری ڕێکخراوی ئاشتی و ئازادی لەگەڵ بەڕێوبەری رێکخراوی (United Planet) سوپاسی هەریەک لە بەشداربووانی پڕۆگرامەکەی کرد لە گەنجانی کوڕو کچ، ماموستایان، و ڕێکخراوە بازرگانییەکان بۆ پشتگیریکردنی گەنجە بەشداربووەکان بۆ بەدەستهێنانی ئامانجەکانی پڕۆگرامەکە .دواتر بەشداربووانی بەرنامەکە پڕۆژەی کۆتایی خۆیان خستەڕوو، کە تیشکیان خستە سەر پێشخستن و گەشەپێدانی ئابووریی بەردەوام، چارەسەرکردنی ئاستەنگە ئابووریەکان و هاندانی گۆڕانگاری ئەرێنی لە پێکهاتەکانی عێراق و ویلایەتە یەکگرتووەکانی ئەمریکا.
لە کۆتاییشدا، ڕێکخەرانی پرۆگرامەکە لە هەردوو ڕێکخراو تیشکیان خستە سەر گرنگی ئەم جۆرە بەرنامەیە بۆ دروستکردنی پردی کلتوری لە نێوان گەنجانی عێراق و ئەمریکادا. پاشان بەشداربووانی بەرنامەکە ڕای خۆیان دەربڕی سەبارەت بەوەی کە چۆن ئەم بەرنامەیە توانی زانیاری و ئەزموونیان زیاد بکات.
پرۆگرامی Youth2Youth Impact Investing لەلایەن United Planet جێبەجێ دەکرێت ئەم پڕۆژەیە پارەدارکراوە لەلایەن J. Christopher Stevens دەستپێشخەری ئاڵوگۆڕی کلتوری (JCSVEI). JCSVEI پرۆگرامێکی نووسینگەی کاروباری پەروەردەیی و کولتووری وەزارەتی دەرەوەی ئەمریکایە کە لەلایەن پەیمانگای Aspen بەڕێوەدەبرێت.
