ل 12 چريا دووێی 2024، رێکخراوا ئاشتی وئازادی (PFO)، ب هەفکاری دگەل رێکخراوا لێگەریان ل ئەردەکی هاوبەش و وەک بەشەک ژ پروژێ جسرا (دەستپێشخەری هاوبەش ژبو كارەکی ئایینی یی ئیستراتیژی )، دانشتنەکا ديالوكى يا ئارمانجدار وكومەلەکا سەردانێن مەیدانی ژبو جهێن ئاینێ یێن گرنگ ل قەزا شێخان ئەنجام دان .دڤێ چالاكیێ دا کومەلەکا گەنجان وچالاكڤانێن ئاینی وئافرەتێن نوینەراتیا ئاینێ ئێزدی ومەسیحی وئیسلامی کوم ببوون ژبو پێشئێخستنا هەفکاری وکویرکرنا لێکتێگەهشتنێ ل ئێک تر وپێشئێخستنا پێکڤەژیانە ئاشتیخوازی .
ژ گرنگترين خالێن گەنگەشە لسەر هاتینە کرن دڤێ دان وستاندنێ دا :
دڤێ دانشتنێ دا گرنگى ب بەهاێین هەڤپشك دناڤبەرا ئاینان دا هاتە دان وتايبەتی سەبارەت ئەوان تشتان کو کارتێکرنێ لسەر ژیانا روژانە ورەوشت وتیتالان وپرنسيپێن مروڤایەتێی ئەوێن هەموو ئاينان پێکڤە کوم دکەت ونوینەرێن ئاینان دیتنێن ب بەها هەبوون لسەر کومەلەک بابەتان وەکی:
• جەژن ورێورسمێن ئایینی:بەشداربوويان بەحسی گرنگيا جەژنێن سەرەکی و جەژن ل ئێکودوو پیروزیکرن بەحس کر .
• رەوشت وتیتالێن روژی گرتنێ وجەژنان: نوينەران پێداجوونەک لسەر رەوشت وتیتالێن روژیگرتنێ وئاهنگێن دهێنە گێران ل پێش جەژنان كرن ودان وستاندنەکا کویر سەبارەت هەموو ئاینان هاتە کرن .
• رەوشت وتیتالێن بێکئینانا هەڤژینێ ونەخت وبەردان: دان وستاندن هاتەکرن لسەر وان هزرێن گرێدای ب رێورسمێن بئێکئینانا هەڤژینێ ونەخت وبەردانێ .
• پرنسیپێن مروڤایەتيێ:هەموو گروپان هزرکرن لسەر بەهاێن هەڤپشک ژبو مروڤایەتیێ ورێزگرتنێ وئاشتى وقەبوول كرنا كەسێ دیتر ئەوێن هەموو ئاینان بەحس وپشتەڤانێی لسەر دکەن وگرنگيا پشتەڤانیکرن ل ڤان بەهایان دناڤ جڤاکی دا .
• سەرەدانێ میدانی ژبو جهێن پیروز: وەک پەشەک ژ دانشتنێ ، پەشداربوويا سەرەدانا مزگەفت عومەر بن خەتاب وکەنیسا قدیس مار یوسف یا کلدانان وپەرستگەها پیروزە لالش وچالاكڤانێن ئاینی بەحس ل گرنگيا هەموو جهان کر وشروڤەکرنا هەموو لایەنێن گرێدای ب نڤێژکرنێ ودوعاکرنێ ورێورسمێن وئاهنگێن دهێنە گێران ل وان جهان .
دچارچوڤێ ڤێ دانشتنێ دا پشکداری كرنا میان خاتون ( وەک ئافرەتەک و چالاكڤانەکا ئاینی یا سەرکردە دناڤ كومەلگەهێ ئێزدیان دا) وژلاێی خوڤە میان خانون جاختە لسەر گرنگيا وان چالاكيان یێن دبنه ئەگەرێ پێشئێخستنا باوەری وئاشتی یە هەڤپشک دناڤبەرا ئاینێن جێواز دا کر وهەستێ خو دەربرى ژبو هەڤکاریکرنێ ژبو چەسپاندنا رولێ گەنجان وزەلامان وئافرەت دگرنگيا دامەزراندنا ئەنجوومەنەکی ئاینی کو هەموو ئاینان پێکڤە کوم کەت ژبو كاركرن وپشتگێریکرنا کەمپنێن داکوکی کرنێ لسەر دەرئێخستنا یاسایێن تايبەت ژبو نەهێلانا گوتارێن نەفراتی دناڤ جڤكى دا.
